Аҧсни Цхинвалтәи арегиони ирықәынхо ауааҧсыра Қырҭтәыла атәылауаҩра рзышьақәыргылареи, иашьашәалоу арзаҳал ахәаҧшреи, аӡбара адкылареи апроцедура мҩаҧысуеит дара рнапаҿы ирымоу адокументқәа иазҧхьагәаҭаны. 

Қырҭтәыла атәылауаас  („Қырҭтәыла атәылауаҩра иазку“ аоргантә закәан инақәыршәаны Қырҭтәыла атәылауаҩра  зауз ма изауа ауааҧсыра рыда) иҧхьаӡоуп:

- 1991 шықәса ҧхынҷкәын 21-нӡа Қырҭтәыла ииз, Аҧснытәи автономтә республикаҿы ма Цхинвалтәи арегионаҿ (ҧасатәи Аахыҵ Уаҧстәыла автономтә округ) 1991 шықәса ҧхынҷкәын  21-нӡа инхоз ауааҧсыреи урҭ рхылҵи, дара даҽа тәылак атәылауаҩра рымамзар, атәылауаҩра ранашьара иаҧырхагахар зылшо аҭагылазаашьақәа иҟамзар, иаҳҳәап, ҷыдала ихьанҭоу ацәгьаура аҟаҵара, аҧшаараҿы аҟазаара, ма/иара убас, даҽа ҳәынҭқаррак ма ауаажәларратә шәарҭадара ирыдҳәалоу аҭагылазаашьақәа/аинтерес.  

Қырҭтәыла атәылауаҩра ашьақәыргылара апроцедура 

Иазҿлымҳау ауаҩы, Қырҭтәыла атәылауаҩра ашьақәыргылара иазку арзаҳал ала, Аҳәынҭқарратә сервисқәа рырҿиара агентра (атәылауаҩратә реестр) иарбанзаалак аҵакырадгьылтә маҵзура, ма  Аиустициа аҩны афилиалқәа дрыдҵаалоит, иара аҳәаанырцә дыҟазар – Қырҭтәыла адипломатиатә хаҭарнакреи ма аконсултә усбарҭеи. 

Қырҭтәыла атәылауаҩра ашьақәыргыларазы арзаҳал алеиҵоит Аҧсны ма Цхинвалтәи арегионаҿ инхо, зықәра наӡоу, аусура зылшо ауаҩы ихаҭа ма/иара убас, изакәантә хаҭарнак. Арзаҳал алазҵо ауаҩы иинициативала, арзаҳал алаҵазар ауеит Қырҭтәыла аус зуа жәларбжьаратәи аиҿкаарақәа рыцхырааралагьы. 

Азҵаара ахәаҧшразы ицәыргатәуп абарҭ адокументқәа:

а) ишьақәыргылоу аформа инақәыршәаны еиқәыршәоу  арзаҳал;

б) аҧштәы змоу афотоҭыхымҭа  3X4 (арзаҳал алазҵо ауаҩы афотоҭыхымҭа цәыригароуп агентраҿы ма уи аҵакырадгьылтә маҵзураҿы, аелектронтә формала,  иара аҳәаанырцә дыҟазар  - Қырҭтәыла адипломатиатә хаҭарнакра ма аконсултә усбарҭаҿы  – аматериалтә ма аелектронтә формала);

в) арзаҳал алазҵо ауаҩы апроцедура ирццакны дахысыр иҭахызар  - ахәҧса шишәаз зыршаҳаҭуа акәтанциа. 

Иара убас, иацҵаны ицәыргазароуп абарҭ адокументқәагьы:

1) Аира аршаҳаҭга ма, ауаҩы  1991 шықәса ҧхынҷкәын 21-нӡа Қырҭтәыла иира афакт зыршаҳаҭуа, азинмчы змоу аорган аҟынтә адокумент; ма/иара убас

2) 1991 шықәса ҧхынҷкәын 21-нӡа Аҧснытәи автономтә республикаҿ ма Цхинвалтәи арегионаҿ (ҧасатәи Аахыҵ Уаҧстәыла автономтә округ) аҵакырадгьылаҿ анхара афакт зыршаҳаҭуа адокумент; ма/иара убас

3) абри апҟарала иазҧхьагәаҭоу атәылауаҩра ашьақәыргыларазы шьаҭас иҟалар зылшо иарбанзаалак адокумент ма аинформациа. 

1991 шықәса ҧхынҷкәын 21-нӡа Аҧснытәи автономтә республикаҿ ма Цхинвалтәи арегионаҿ (ҧасатәи Аахыҵ Уаҧстәылатәи автономтә округ) аҵакырадгьылаҿ инхоз ауаҩы ихылҵ  иацҵаны ицәырыргароуп:

- Аира аршаҳаҭга, мамзаргьы, зыӡбахәы ҳәоу ауаҩы  1991 шықәса ҧхынҷкәын 21-нӡа Аҧснытәи автономтә республикаҿ ма Цхинвалтәи арегионаҿ (ҧасатәи Аахыҵ Уаҧстәылатәи автономтә округ) аҵакырадгьылаҿ инхоз ауаҩы ихылҵ шиакәу зыршаҳаҭуа, азинмчы змоу аорган аҟынтә адокумент. 

Азгәаҭа: Даҽа тәылак атәылауаҩра аиуразы ашьаҭа иҟазар, арзаҳал алазҵо ауаҩы,    хымҧада ицәыригароуп иашьашәалоу атәыла атәылауаҩра шимам шьақәзырҕәҕәо аилкаа ари атәыла акомпетенциатә орган аҟынтәи.  Ари аҳәара абри аҩыза аилкаақәа  азымҭо атәылақәа рзы ихымҧадатәиӡам. 

Қырҭтәыла атәылауаҩра ашьақәыргылара иазку арзаҳал иҩызароуп ақырҭшәала. Даҽа бызшәак ала еиқәыршәоу адокумент (ҧасатәи Асоветтә Социалисттә Республикақәа Реидгыла атәылауаҩшәҟәы ада) иацзароуп  Аҧсны ма Цхинвалтәи арегионаҿ аус зуа анотариусцәа рыла,  ма Қырҭтәыла азакәанҧҵарала ишьақәыргылоу апҟарала игәаҭоу ақырҭшәахь аиҭага. 

Аусура злымшо ма/иара убас, зықәра наӡам ауаҩы Қырҭтәыла атәылауаҩра изышьақәыргылазар ауеит иҭаацәа ма изакәантә хаҭарнак иаларҵо арзаҳал ашьаҭала. Ацхыраара зауа ауаҩы Қырҭтәыла атәылауаҩра изышьақәыргылара ҟалоит  ацхыраара ҟазҵо ауаҩы иқәшаҳаҭрала, аӡбарҭа ақәҵарала даҽак иазҧхьагәаҭамзар. 

Амаҵзура аҿҳәарақәеи ахәҧсеи 

30-тәи амш азы агара  - амалаҳа;
20-тәи  амш азы агаразы  - 40 лари;
15-тәи амш азы агаразы  - 65 лари;
10-тәи  амш азы агаразы  - 100 лари. 
 

Арзаҳал аформа 

Қырҭтәыла атәылауаҩ ибиометриатә тәылауаҩшәҟәы аиура апҟареи аҭагылазаашьақәеи 

Қырҭтәыла атәылауаҩ ибиометриатә тәылауаҩшәҟәы аиуразы, ауаҩы Аҳәынҭқарратә сервисқәа рырҿиара агентра (атәылауаҩратә реестр) иарбанзаалак аҵакырадгьылтә маҵзура, ма Аиустица аҩны иарбанзаалак афилиал дадҵаалароуп, мамзаргьы, анахаралатә маҵзура ихы иаирхәароуп.  

Абиометриатә тәылауаҩшәҟәы аиуразы арзаҳал алазҵо ауаҩы ицәыригароуп:

- ахаҭара агәраргага (уи имамзар, зны ахаҭара агәраргага иоуроуп);

- абиометриатә фотоҭыхымҭа, 3.5X4.5 см.,  аелектронтә формала (афото аҭыхра ҟалоит аҭыҧаҿыҵәҟьа);

- ахәҧса ашәара зыршаҳаҭуа акәтанциа (ахә ашәара ҟалоит аҭыҧаҿыҵәҟьа).    

Анахаралатә маҵзурала  абиометриатә тәылауаҩшәҟәы иоур илшоит знык акәзаргьы абиометриатә тәылауаҩшәҟәы згахьоу Қырҭтәыла атәылауаҩ,  адокумент иҭара амзызла ибиометриатә дыррақәа иҩынтәны рхархәара ҟалоит. 

Абиометриатә тәылауаҩшәҟәы анахарала аиура иазку инарҭбаау аинформациа жәбар шәылшоит ацҵатә аҿы  - https://sda.gov.ge/?page_id=5319 

Абиометриатә тәылауаҩшәҟәы аиуразы ишьақәыргылоуп абарҭ аҿҳәарақәеи ахәҧсеи:

10-тәи аусуратә мшы азы агара  – амаҵзура ахәҧса 150 лари;

5-тәи аусуратә мшы азы агара  – амаҵзура ахәҧса 150 лари, амаҵзура арццакразы   30 лари;

3-тәи аусуратә мшы азы агара  – амаҵзура ахәҧса 150 лари, амаҵзура арццакразы  75 лари;

2-тәи аусуратә мшы азы агара  –  амаҵзура ахәҧса 150 лари, амаҵзура арццакразы  150 лари;

Аҽныҵәҟьа агаразы  – амаҵзура ахәҧса  150 лари, амаҵзура арццакразы  200 лари. 

Абиометриатә тәылауаҩшәҟәы аҧыхразы иарбан ҭагылазаашьақәоу шьаҭас иҟалар зылшо?

Абиометриатә тәылауаҩшәҟәы аҧыхразы шьаҭас  иҟалар ауеит:

• адокумент армазеира инаркны шықәсык ҵит, аха, атәылауаҩ ари адокумент имгеит;
• адокумент иамаз аҿҳәара нҵәеит;
• ахьӡ ма ажәла аҧсахра;
• адыррақәа рҿы агха аарҧшра;
• аҧсра;
• Қырҭтәыла атәылауаҩра аанкылара;
• ҧас ма ҧҳас агара/абра ашьақәыргылара  (адыррақәа иҧсахзар);
• хаҭалатәи арзаҳал. 

Инарҭбаау аинформациа шәахәаҧш - https://sda.gov.ge/?page_id=5103 

Аимадаразы аинформациа - (+99532) 2401010, (+995 32) 2405405